XELIÑA RECOMENDA: LECTURAS DE OUTONO

 

O OUTONO XA CHEGOU

Esta semana démoslle a benvida ó outono na escola. Esta estación tan colorida sérvenos de pretexto para avanzar na nosa aprendizaxe botánica xa que nela as follas dalgunhas árbores cambian de cor e caen. Tamén continuamos ampliando o noso vocabulario coñecendo unha morea de obxectos relacionados co outono e progresamos nas nosas habilidades lóxicas e de conteo. Mirade, mirade!

XELIÑA E O POLO PEPE ACOMPÁÑANNOS NOS NOSOS PRIMEIROS DÍAS

Así, arrancamos nos nosos primeiros días os nenos e nenas de cuarto de infantil. Costou un pouco separarse da familia pero estamos facendo moitos amigos novos e a escola estase volvendo moi divertida. As primeiras semanas coñecemos a Xeliña, a mascota da biblioteca, unha raposa á que lle gustan moito os contos e que nos prestou un dos seus favoritos, O polo Pepe. Agora estamos creando a nosa propia versión. Agardamos que vos guste!

COMEZAMOS A NOSA "AVENTURA BOTÁNICA"

Hoxe demos comezo a un novo curso escolar poñendo en marcha un novo PDI titulado "Aventura botánica", co que pretendemos achegar os nenos e nenas ó descubrimento da nosa contorna vexetal. Para darnos a benvida, a nosa querida raposa Xeliña agasallounos cunhas sementes e escribiunos unha carta pedíndonos que lle axudemos a devolverlle a vida ós nosos montes despois dos devastadores incendios do verán. Estade moi atentos e seguide por aquí os nosos primeiros pasos!