CAMBIA O CONTO, ACTUACIÓN MUSICAL

Hoxe desfrutamos dun divertido espectáculo, "Cambia o conto" de Música Miuda. Pasámolo en grande. Moitas grazas á ANPA pola súa colaboración e a Xoaniña Creativa por facernos desfrutar dos contos e a música.

 

O BISCOITO DE COCORICO

Esta semana convertémonos en auténticos/as cociñeiros/as! Despois de coñecer o conto Cocorico, puxemos o mandil e seguimos a receita para preparar un delicioso biscoito de iogur.

🥚 Batemos os ovos
🥄 Mesturamos os ingredientes
🍋 Engadimos a reladura de limón
🤝 Traballamos en equipo e compartimos tarefas

Foi unha experiencia chea de aprendizaxes, na que practicamos a lectura de receitas, a medición de cantidades, a motricidade fina e, sobre todo, a colaboración entre compañeiros/as.

O mellor chegou ao final: degustar o noso biscoito caseiro!

CONTAMOS CONTIÑOS, COCORICO

Hoxe o noso elenco de actrices e músicas deleitáronos cunha divertida actuación, converténdose en Cocorico, mamá Galiña e Gato Pelado. Despois Cocorico e a mamá Galiña repartiron o biscoito polas clases e propuxeronlle ó alumnado un novo obradoiro de cociña, biscoito de limón como o do conto. Agora toca esperar para que Xeliña nos deixe a receita no correo, pero primeiro temos que pedirlla cunha carta. Así escribir é moi divertido e emocionante! 

DOWN LUGO

A semana pasada na nosa escola tivemos unha visita moi especial da Asociación Down de Lugo. Como se achega o Dia Mundial da Síndrome de Down compartimos con vós algunhas imaxes desa xornada tan divertida. Moitas grazas a Marcos e aos seus acompañantes. Agardamos poder repetir.

CONTAMOS CONTIÑOS, O COELLIÑO BRANCO

O contacontos do Coelliño branco, xa é un clásico na nosa escola. Este curso María maravillou tanto ó alumnado da escola, como a todos os asistentes á xornada de portas abertas que tivo lugar na tarde de hoxe. Agardamos que vos gustara!

PAZ É PRANTAR UNHA ÁRBORE

Hoxe conmemoramos o Día Escolar da Paz. Xeliña deixounos no correo o conto O meu olivo que conta a historia de Salam, unha nena de Gaza que obtén a súa fortaleza da comunidade, do amor e dos olivos, que son un símbolo da paz. Isto inspirounos para crear un mural colaborativo.

CONTAMOS CONTIÑOS DE INVERNO

Sabemos que a neve é moi divertida pero, de onde sae e a onde vai cando marcha? Estas semanas estivemos contando contos que nos axudaron a resolver este misterio, O ladrón de neve e Un copo de nieve en el bolsillo. Despois fixemos as nosas propias folerpas con bólas de plastilina e experimentamos diferentes xeitos de crear neve artificial. O noso favorito é a mestura de bocarbonato e auga. Mirade que ben o pasamos!

SAMAÍN: VROOM ON THE BROOM E APÓCEMA BOTÁNICA

Hoxe celebramos o Samaín na nosa escola. Recibimos no correo unha carta de Xeliña xunto cun ingrediente para a elaboración dunha "apócema botánica" para espantar o mal de ollo, pero en cada aula recibimos un diferente polo que houbo que xuntalos todos e cooperar. Fomos convidados á biblioteca onde tivo lugar a maxia e ó final de todo puidemos probar a apócema. Sabía moi ben!

Por suposto, tampouco faltaron os contos e a música, e como á festa do Samaín lle chaman Halloween nos países angloparlantes a teacher contounos o conto Vroom on the Broom unha historia chea de ritmo e musicalidade. Foi moi divertido!

E como non, puidemos desfrutar toda a semana da Exposición de Cabazas Botánicas, o primeiro reto trimestral deste curso. Grazas familias pola colaboración!

Aquí vos deixamos un vídeo resumo destas actividades xunto coas cartas de Xeliña e o conxuro. Agardamos que vos gusten!

CONTAMOS CONTIÑOS EN SAMAÍN

 O Samaín é tempo de contar contos de medo e tamén moi divertidos! Por aquí vos deixamos as nosas propias versións de A pantasma colorida e Corre, corre cabaciña. Agardamos que vos gusten!

CONTAMOS CONTIÑOS: ISTO NON É UNHA CAIXA E TITO MALABARISTA

Esta semana Xeliña deixounos dou contos moi divertidos, Isto non é unha caixa, co que imaxinamos en que podemos convertir unha caixa e Tito malabarista, co que despois de axudarlle a buscar o seu nariz xogamos a clasificar cores.

XELIÑA E O POLO PEPE ACOMPÁÑANNOS NOS NOSOS PRIMEIROS DÍAS

Así, arrancamos nos nosos primeiros días os nenos e nenas de cuarto de infantil. Costou un pouco separarse da familia pero estamos facendo moitos amigos novos e a escola estase volvendo moi divertida. As primeiras semanas coñecemos a Xeliña, a mascota da biblioteca, unha raposa á que lle gustan moito os contos e que nos prestou un dos seus favoritos, O polo Pepe. Agora estamos creando a nosa propia versión. Agardamos que vos guste!

CONTAMOS CONTIÑOS: UNHA EIRUGA MOI LARPEIRA

Na clase de 3 anos B rematamos o curso levando un pequeno recordo do noso conto preferido, Unha eiruga moi larpeira de Eric Carle. E é que este álbum ilustrado foi unha constante ó longo de todo curso para traballar conceptos numéricos, nocións temporais e alimentación saudable nas nosas asembleas diarias. Por iso non foi de extrañar que quixéramos contalo unha e outra vez. Gardaremos sempre o noso pequeno recordo do noso paso de eiruguiñas a bolboretas!

CALENDARIO LECTOR

Ó longo de todo o curso, na clase de 5 anos B, preparamos un calendario para o curso 25-26. Cada mes recomendamos un dos nosos contos favoritos, así non esqueceremos a nosa escola infantil aínda que marchemos e comecemos primaria. Xa sabedes, a ler todas as recomendacións e moitas máis e, sobre todo, a marcar no calendario as visitas que nos faredes o curso que vén. Moita sorte nesta nova etapa!

CONTAMOS CONTIÑOS, UN LUGAR PERFECTO

Coincidindo coa semana na que conmemoramos o día mundial do medio ambiente, na clase de 5 anos B estivemos lendo este libro no que catro insectos buscan un lugar ideal para vivir. Con esta historia, espertamos a nosa conciencia medioambiental ante o impacto humano neste ecosistema compartido que é o planeta. Despois, da lectura fixemos a nosa propia reinterpretación dalgunhas das súas ilustracións. Agardamos que vos gusten!

 

CONTAMOS CONTIÑOS: QUEDA SITIO PARA MIN?

Por aquí vos deixamos o conto ¿Queda sitio para min? narrado polos nenos e nenas de 6º B. Agardamos que vos guste!

CONTAMOS CONTIÑOS: LA BUFANDA ROJA

Hoxe os nenos e nenas de 4º de infantil acudimos á biblioteca para despedir o inverno coa lectura e actividades sobre La bufanda roja.

CONTAMOS CONTIÑOS: PEQUENO AZUL E PEQUENO AMARELO

Nas clases de 4º contamos o conto Pequeno azul pequeno amarelo de Leo Lionni, un clásico que nos encanta, e xogamos a mesturar esas dúas cores empregando diferentes materiais. Pasámolo moi ben!

CONTAMOS CONTIÑOS NA XORNADA DE PORTAS ABERTAS

Hoxe celebramos a nosa xornada de portas abertas cun contacontos, O coelliño branco. Moitas grazas a todas as familias que viñeron visitarnos!

CONTAMOS CONTIÑOS: QUEDA SITIO PARA MIN?

Este inverno contamos ¿Queda sitio para mi?, fermosa lectura sobre a importancia de compartir. Os maiores da escola e os pequenos fixeron unha actividade plástica para poder contar o conto coas personaxes. 

CONTAMOS CONTIÑOS: CON TANGO SON TRES

Como xa sabedes na clase de 4 anos B toleamos polos pingüíns, así que nos encantou a historia de Tango. Queredes coñecela? Pois contámosvola no seguinte vídeo. Agardamos que vos guste tanto como a nós!