SAMAÍN: VROOM ON THE BROOM E APÓCEMA BOTÁNICA

Hoxe celebramos o Samaín na nosa escola. Recibimos no correo unha carta de Xeliña xunto cun ingrediente para a elaboración dunha "apócema botánica" para espantar o mal de ollo, pero en cada aula recibimos un diferente polo que houbo que xuntalos todos e cooperar. Fomos convidados á biblioteca onde tivo lugar a maxia e ó final de todo puidemos probar a apócema. Sabía moi ben!

Por suposto, tampouco faltaron os contos e a música, e como á festa do Samaín lle chaman Halloween nos países angloparlantes a teacher contounos o conto Vroom on the Broom unha historia chea de ritmo e musicalidade. Foi moi divertido!

E como non, puidemos desfrutar toda a semana da Exposición de Cabazas Botánicas, o primeiro reto trimestral deste curso. Grazas familias pola colaboración!

Aquí vos deixamos un vídeo resumo destas actividades xunto coas cartas de Xeliña e o conxuro. Agardamos que vos gusten!

CONTAMOS CONTIÑOS EN SAMAÍN

 O Samaín é tempo de contar contos de medo e tamén moi divertidos! Por aquí vos deixamos as nosas propias versións de A pantasma colorida e Corre, corre cabaciña. Agardamos que vos gusten!

O SAMAÍN ESTÁ PREPARADO

A nosa escola xa está adornada e preparada para a festa do Samaín. Este curso enchemos o recibidor de pantasmas coloridas. Agardamos que vos gusten! 

E recordade, a partir do próximo luns podedes comezar a traer as vosas cabazas. Estamos desexando velas!

XELIÑA RECOMENDA: LECTURAS DE SAMAÍN

 

ANIMALANDIA POR SAMAÍN

Como non podía ser doutra forma, o mundo animal foi a temática deste curso para as cabazas de Samaín. Por aquí vos deixamos algunhas delas. Mirade que bonitas!

O SAMAÍN

Despois de días de preparación e decoración da nosa escola, o 30 de outubro por fin celebramos unha das nosas festas favoritas, o Samaín. Na biblioteca recibimos a visita da bruxa Brita que fixo un conxuro para facer desaparecer todos os nosos medos, que ó longo da semana fomos resistrando nun anaco de folio. Por suposto non podía faltar a comida terrorífica e na hora do almorzo creamos unhas arañas moi saborosas. E para rematar música, baile e disfraces no patio. Que divertido é o Samaín!

HALLOWEEN

On the 31st of October we celebrated Halloween at school. We made puzzles and lots of crafts in order to learn vocabulary related to Halloween.

CONTAMOS CONTIÑOS, SAMAÍN

Por aquí vos deixamos algúns dos contos que contamos en Samaín e as artistadas que fixemos relacionados con eles. Agardamos que vos gusten!

FAMILIAS QUE CONTAN, CORRE CORRE CABACIÑA

Un curso máis continuamos con esta actividade. A nai de Olivia animouse a contarnos un clásico de Samaín, “Corre corre cabaciña”. Encantounos. Moitas grazas por vir.

TALLERES DE SAMAÍN EN INGLÉS

Como xa sabedes a Xeliña encántanlle as festas, e mais as relacionadas con esta época do ano. Por iso, e coa axuda da mestra de inglés e o auxiliar de conversa Eli, preparou na biblioteca uns talleres moi terroríficos!!! plastilina con figuras de halloween, mesa sensorial buscando as letras e escribindo as palabras, monstro con palliñas e témpera e ficha da canción "Knock Knock trickt or treat.

Que ben o pasamos!!

CONTAMOS CONTIÑOS: A BRUXA PAMPURRIAS

Nesta semana de Samaín Xeliña deixounos varios contos na biblioteca relacionados con esta temática. E entre todos eles escollemos o de "A bruxa Pampurrias", e ata apareceu a bruxa de verdade para contarnos a súa historia, de como se converteu en granxeira. 

Despois decoramos os ovos dos que saíron pitiños igualiños ca súa mascota.

Moitas grazas bruxa Pampurrias.

CELEBRAMOS O SAMAÍN

Ao longo deste días fixemos diferentes actividades relacionadas co Samaín, o día 30 levamos a cabo un taller de cociña, elaboramos magdalenas terroríficas, que decoramos ao día seguinte nun dos talleres propostos.

Tamén, relacionado co PDI deste curso, traballamos unha obra de arte, convertíndonos nos protagonistas do cadro "O berro" de Munch, e aproveitamos estas obras de arte para decorar a entrada da escola. 

Por outro lado, as familias coma sempre trouxeron as súas cabazas decoradas, recreando nelas diferentes obras de arte, quedaron xenial, moitas grazas por participar.

E xa o día 31, festexamos o Samaín na escola cun montón de actividades. Primeiro dividímonos en pequenos grupos interniveis para pasar distintas probas terroríficas, como:

Un bingo terrorífico:

Probas de puntería:

Pócemas coa bruxa Maruxa:

Baile na escuridade:

Decoración das magdalenas terroríficas:

E unha vez superadas toas as probas tocou merendar e festa rachada!!!

Se pinchades na imaxe podedes ver un vídeo de todo o que fixemos.