CANDO LEMOS, FELIZ DÍA DO LIBRO

Ao longo desta semana conmemoramos na escola o Día do Libro. Aproveitando o clima primaveral desprazámonos ata a Praza da Vila para contar contos ó aire libre. E para conmemorar esta data tan especial compartimos con vós as palabras de Eva Mejuto sobre a lectura e os libros: 

Cando lemos 

percorremos silandeiras as bambolinas dos soños.

Cando lemos

somos a luz do torreiro que alumea nos teus ollos;

somos unha e somos todas sucando contra a marea.

Cando lemos

somos a chuvia que lanza o ar e bate a area.

Cando lemos

prendemos lumes sen chama, arredámonos do frío,

escorrentamos o medo, bebemos sol do resío.

Cando lemos

cruzamos pontes de estrelas tecendo con fío invisible...

porque cando lemos

todo é posible,

sobre todo o imposible.

SEMANA DO LIBRO EN INGLÉS

En inglés estivemos traballando a semana do libro coñecendo unha obra destacada da literatura infantil:  The Gruffalo de Julia Donaldson e Axel Scheffler. Vimos a historia e fixemos unha máscara do Gruffalo.

Así mesmo durante este mes de abril xunto co de maio, estamos a coñecer outros clásicos da literatura infantil:

• The Adventures of Tom Sawyer.
• The Prince and the Pauper.
• The Happy Prince
• Peter Pan
• The Wizard of Oz
• The Very Hungry Caterpillar

SEMANA DO LIBRO, LECTURA NA PRAZA

Esta semana saímos á rúa acompañados dunha sorpresa… o libro A ra de tres ollos!

Porque os contos non só para contar na biblioteca ou na clase, senón que se poden desfrutar en calquera lugar!
Ao mesmo tempo, traballamos a reciclaxe con esta fermosa historia, facéndonos responsables dos residuos que producimos.
Pasar o almorzo e o tempo de lecer no Parque da Vila foi toda unha experencia!

SEMANA DO LIBRO: CONTOS CANTADOS

 Hoxe tivemos de novo correspondencia nos nosos buzóns, Xeliña enviounos unha invitación moi especial. Mirade.

Pinchando na imaxe da invitación podedes ver o vídeo completo.

Fixérono xenial!!!! Moitas grazas ás nenas e nenos de 6º de infantil.

 

SEMANA DO LIBRO: INSTALACIÓN LECTURA- XOGO LIBRE

Hoxe recibimos unha carta nos buzóns de Xeliña. Quería invitarnos a unha actividade moi divertida que preparou nun espazo novo da biblioteca. 

Estará dispoñible durante esta semana.

A actividade consiste nunha pequena instalación de contos acompañados dunha proposta de xogo relacionada con cada un deles.

Mirade que ben o pasamos estreando este novo espazo!!!

SEMANA DO LIBRO: CONTO COLABORATIVO

Durante varias semanas entre todas as nenas e nenos da escola fomos elaborando unha pequena historia titulada "A horta de Xeliña", entre todas e todos pensamos a historia e fixemos as ilustracións. E hoxe, para comnmemorar o Día do libro, levamos o noso conto para a casa.

SEMANA DO LIBRO: APADRIÑAMENTOS LECTORES

Para comezar esta semana do libro, hoxe fomos ao instituto Xograr Afonso Gómez de Sarria, onde un grupo de rapazas e rapaces fixeron de madriñas e padriños lectores co noso alumnado de 6º de infantil, encantounos!!!!

Moitas grazas por invitarnos.

 

Pinchando nas imaxes podedes acceder a máis fotos desta actividade.

FESTEXAMOS A SEMANA DO LIBRO

    Para conmemorar o Día do Libro, Xeliña, a nosa mascota, enviounos unha carta ao buzón contándonos que o xoves teríamos na escola unha visita moi especial, unha escritora, Ana Meilán, e que nos deixaba na biblioteca varios contos que escribiu, para que o longo destes días os vaiamos lendo.

Tamén nos comentou que se na casa tiñamos algún conto escrito por ela, que podíamos traelo á escola para que nolo firmase.

E por fin chegou o día, e a nosa biblioteca encheuse duns personaxes moi especiais, Simón e os seus botes de bágoas e a familia Pérez, e así foi como Ana Meilán comezou a contarnos as súas historias.

 "Bágoas debaixo da cama"

"Quén ven esta noite?"

E por outro lado, a nivel titorías tamén se traballou esta conmemoración, pensando e debuxndo os personaxes do seu conto preferido, incluso Xeliña tamén participou e nos enviou o seu conto preferido e un debuxo para colocar no noso mural.

CELEBRAMOS O DÍA DO LIBRO

    Ao longo desta semana fixemos diferentes actividades para conmemorar o Día do Libro. Para comezar, pedimos a colaboración das familias para que cada nena/o trouxera ao cole o seu conto favorito, puidemos observalos, lelos e fixemos unha foto para compoñer un mural recomendando os nosos contos.

    Outra actividade propúxoa Xeliña, coma fai sempre deixounos unha carta no buzón. Explicounos que o venres teríamos unha sorpresa na aula, e así foi, ese día tiñamos un contacontos moi especial, "A viaxe das bolboretas", empregando para contalo o kamishibai con sombras. 

    E por último, todas as aulas pasamos algúns momentos na biblioteca escolar, lendo, xogando, investigando, facendo teatro,..., na imaxe podedes ver o ben que o pasamos.