MÁIS ABELLAS

Durante todo o terceiro trimestre, na clase de 3 anos A, estivemos estudando as abellas, como nacen, como viven, de que se alimentan, etc. Pero sobre todo, por que son tan importantes para o noso planeta. Por aquí vos deixamos algúns dos traballos que fixemos tendo estes pequenos insectos como inspiración. Tamén vos compartimos algúns recordos de final de curso que nos recordan o importantes que somos nós para a protección das abellas. Agardamos que vos gusten!

CONTAMOS CONTIÑOS: UNHA EIRUGA MOI LARPEIRA

Na clase de 3 anos B rematamos o curso levando un pequeno recordo do noso conto preferido, Unha eiruga moi larpeira de Eric Carle. E é que este álbum ilustrado foi unha constante ó longo de todo curso para traballar conceptos numéricos, nocións temporais e alimentación saudable nas nosas asembleas diarias. Por iso non foi de extrañar que quixéramos contalo unha e outra vez. Gardaremos sempre o noso pequeno recordo do noso paso de eiruguiñas a bolboretas!

DE OVO A BOLBORETA

Na clase de 4 anos A, tamén estivemos aprendendo moito sobre o ciclo da vida das bolboretas e por aquí vos deixamos algunhas das nosas creacións. Agardamos que vos gusten!

COLECCIONISTAS DE BOLBORETAS

Durante o terceiro trimestre na clase de 5 anos B creamos o noso propio libro de bolboretas. Tras unha votación para escoller cal ía ser o insecto obxecto de estudo, comezamos unha colección de cartas grazas ás que aprendemos datos curiosos sobre unha gran variedade de bolboretas que fomos rexistrando no noso caderno. Hainas para todos os gustos, tan diversas coma nós!

MOITA BICHERÍA

Despois dun scape room moi divertido que xa vos ensinamos nunha entrada anterior, por aquí vos deixamos algúns dos traballos relacionados cos insectos que fixemos na clase de 4 anos B durante o terceiro trimestre. Abellas, bolboretas, eirugas, moscas... Foron a nosa inspiración para múltiples creacións e aprendizaxes. Agardamos que vos gusten!

GRANXA CASA DA FONTE

Onte e hoxe visitamos a granxa Casa da Fonte onde puidemos visitar os animais da granxa en liberdade: vacas, pitas, cochos, cabalos… Unha verdadeira aventura!

CONTAMOS CONTIÑOS, UN LUGAR PERFECTO

Coincidindo coa semana na que conmemoramos o día mundial do medio ambiente, na clase de 5 anos B estivemos lendo este libro no que catro insectos buscan un lugar ideal para vivir. Con esta historia, espertamos a nosa conciencia medioambiental ante o impacto humano neste ecosistema compartido que é o planeta. Despois, da lectura fixemos a nosa propia reinterpretación dalgunhas das súas ilustracións. Agardamos que vos gusten!

 

DÍA MUNDIAL DAS ABELLAS

Celebramos o Día Mundial das Abellas. Hoxe aprendemos o importantes que son as abellas para a natureza. A través de contos, cancións, manualidades e xogos, descubrimos como estes incribles insectos axudan a polinizar as flores e a que crezan as froitas e verduras que comemos cada día.

Temén falamos de como podemos coidalas. Non pisar flores, plantar máis plantas na casa e evitar contaminar a súa contorna foron algunhas das ideas que compartimos. 

E, xa para rematar, decidimos plantar no noso xardín sementes e flores silvestres, como un agasallo para as abellas. 

Foi un día cheo de aprendizaxe e diversión!

E ENTÓN UN XARDÍN

Hoxe asistimos á peza teatral E entón, un xardín, no auditorio Gustavo Freire de Lugo. Con este colorido espectáculo de monicreques aprendemos o importante que é respectar os vexetais e animais que habitan a natureza sen interferir nos seus ecosistemas coma seres humanos. Gustounos moito e pasámolo moi ben! 

FLORES E MÁIS FLORES

Aquí tedes novas propostas propias da estación do ano na que nos atopamos. Escritura de palabras significativas e ampliación do vocabulario, estampacións florais e esencia de lavanda. Agardamos que vos gusten!

MÁIS PROPOSTAS PRIMAVERAIS

Aquí podedes ver as propostas do noso mestre en prácticas da USC. Flores e abellas, unha proposta moi axeitada para esta tempada!

RETO TRIMESTRAL: UNHA PEDRA PARA O XARDÍN

Por aquí vos deixamos algunhas imaxes da exposición do reto do segundo trimestre. Agardamos que vos gusten e moitas grazas ás todas as familias por colaborar!

SEMANA DA PRENSA

Hoxe as pequenas e pequenos de 5 anos entregaron por diferentes comercios de Sarria o periódico elaborado como conmemoración da Semana da Prensa.

O alumnado tamén levou para casa un exemplar para compartir coas familias todas as novas da escola.

Esperamos que vos guste!

 

BICHOS, COMEZAMOS NOVA AVENTURA CUN SCAPE ROOM

Na clase de 4 anos B comezamos un novo proxecto de investigación: os insectos. A Xeliña gustalle moito facernos pensar así que deixounos todo o material para investigar en catro caixas pechadas con candados, pero as chaves estaban escondidas por toda a escola. Menos mal que tamén nos deixou no buzón as pistas para encontralas! Grazas a ir resolvendo as adiviñas relacionadas cos insectos na pantalla dixital, conseguimos os códigos numéricos que precisábamos, e ó final abrimos as catro caixas! Foi moi emocionante!  

CONTACONTOS ENTRE RÍAS

Onte tivemos unha visita moi especial, a ilustradora Celia Veiga veu contarnos o seu conto Entre rías e fixemos un obradoiro onde elaboramos os nosos paxariños! Mirade que bonitos!

CONTAMOS CONTIÑOS: QUEDA SITIO PARA MIN?

Por aquí vos deixamos o conto ¿Queda sitio para min? narrado polos nenos e nenas de 6º B. Agardamos que vos guste!

COÑECEMOS OS PINGÜÍNS CON TILO

Durante todo o inverno na clase de 4 anos B estivemos investigando e aprendendo acerca dos pingüíns. Tilo, unha nova mascota procedente do Polo Sur, acompañounos nesta viaxe. Con el contamos, limos, escribimos, pensamos, pintamos, etc. Agora xa sabemos o que comen os pingüíns, as súas habilidades como grandes nadadores e como nacen, medran e se reproducen. Tilo súmase a Xeliña na nosa lista de mascotas favoritas!

ANIMAIS POLARES

Na clase de 4 anos A, investigamos sobre os animais que habitan os casquetes polares: pingüíns, osos, raposos árticos, etc. Despois de coñecer, no primeiro trimestre, a Xeliña e os seus amigos e o seu hábitat, o bosque autóctono, estes novos animais achegáronnos a un ecosistema moi afastado da nosa contorna que tamén nos resultou moi interesante e emocionante. Agardamos que vos gusten os nosos traballos e creacións!

PLANTAS AROMÁTICAS E SOSTIBILIDADE

Hoxe os maiores do cole desfrutaron dun taller incluído dentro do Programa de educación ambiental patrimonio natural da Consellería de Medio Ambiente e cambio climático levado a cabo por Brais.

Falounos da importancia que desempeñan os animais na natureza e de como lles afecta a contaminación, dañando os seus hábitats, o seu alimento e a auga. Por iso, para protexer a natureza é esencial reducir a contaminación e ter prácticas sostibles.

A continuación, ensinounos varias plantas aromáticas, cas cales fixemos unhas bolsiñas de olor.

Moitas gracias Brais, encantounos!

QUE VIVA O ENTROIDO! OS MANDADOS DE XELIÑA

Ó longo da semana do Entroido Xeliña, coa axuda de diferentes animais, foinos pedindo que trouxéramos complementos moi divertidos. Para rematar, o venres tivemos unha festa na que puidemos lucir os nosos disfraces favoritos. Como veredes no vídeo, pasámolo moi ben!