FELIZ DÍA DAS BIBLIOTECAS!

Hoxe celébrase o Día das Bibliotecas e dende a Biblio Xeliña puxemos en marcha dúas actividades moi especiais. 

Por unha banda, un contacontos dirixido ó alumnado de maior idade da escola, a modo de presentación de Xeliña e os seus amigos. Coa chegada do outono, todos os animais están moi atarefados e non paran de discutir ata que un suceso máxico lles fai descubrir que é mellor colaborar. Encántanos este conto!

Por outra banda, o alumnado de maior idade da escola acudiu á biblioteca Camilo Gonsar situada na Casa da Cultura, onde Xeliña deixara preparada unha sorpresa, unha busca do tesouro para conseguir os carnés da biblioteca. Coa axuda de Ernesto puidemos descubrir todas as pistas e abrir finalmente o cofre Moitas grazas!

DÍA DAS BIBLIOTECAS 24 DE OUTUBRO

Despois do marabilloso contacontos de Xeliña e os seus amigos, recollimos follas e fixemos uns marcapáxinas outonais. Agardamos que vos gusten!

A FESTA DO OUTONO

Para celebrar a chegada do outono e aproveitando a proximidade do Día das Bibliotecas, Xeliña deixounos unha carta no buzón para convidarnos á biblioteca a escoitar unha historia de amizade e cooperación que aconteceu mentres ela e os seus amigos preparaban o souto para o outono. Como non podía ser doutro xeito, o conto rematou cun banquete compartido e tivemos a oportunidade de saborear os froitos desta tempada, que delicia!

DÍA DAS BIBLIOTECAS: MATERIAL FROITOS DE OUTONO

Deixámosvos uns libriños que fixemos para traballar o conto de "Unha merenda de outono" que nos contou Xeliña polo Día das bibliotecas. Podedes descargalos pinchando no título.

Esperamos que vos gusten.

LIBRO DE IMAXES DE FROITOS DE OUTONO

LIBRO DE ACTIVIDADES 

DÍA DAS BIBLIOTECAS: UNHA MERENDA DE OUTONO

 Hoxe é un día moi especial na biblioteca de Xeliña, celebramos o Día das bibliotecas. Xeliña convidounos a ir á biblioteca a escoitar unha historia moi divertida que lle aconteceu sobre unha merenda de outono. 

A parte de contar a historia, fíxonos un xogo con froitos de outono e deixounos para a biblioteca o libro que atopara no bosque.

Nas aulas tamén fixemos unha cara de Xeliña con follas de outono. Mirade que bonitas quedaron.

Xeliña tampouco se esqueceu de deixarnos no buzón coa carta oa carnets da biblioteca, para que nuns días poidamos comezar de novo co préstamo de contos.

E xa para rematar invitounos a todas e todos a unha rica merenda de froitos de outono. Que delicioso estaba todo!!

Grazas Xeliña

DÍA DAS BIBLIOTECAS ESCOLARES

     Hoxe é un día moiespecial para Xeliña, pois celébrase o Día das bibliotecas escolares, e por ese motivo, preparou unha actividade moi especial para facer con todo o alumnado na súa biblioteca. 

Ao chegar á escola tiñamos correspondencia nos buzóns das aulas, Xeliña convidábanos á biblioteca da escola para superar unha proba! Se o conseguíamos teríamos unha sorpresa....chapas de BiblioXeliña e o carné da biblioteca para comezar o préstamo de contos.

Encantounos a sorpresa!!! Grazas Xeliña!!

Compoñendo os quebracabezas dos amigos de Xeliña, para conseguir a sorpresa...

Explicando o uso dos carnés e mochilas para o préstamo dos contos.

DÍA DAS BIBLIOTECAS ESCOLARES

    Hoxe é o día das bibliotecas e na nosa escola celebrámolo con Xeliña, a nosa mascota, a cal nos convidou a un contacontos moi especial, no que nos explicaba como chegara a nosa biblioteca.

Ao chegar ao cole as nenas e nenos viron a pegada de Xeliña no seu buzón e sabían que tiñan correspondencia….eran as entradas para o contacontos, e un marcapáxinas para cada un. 

Dentro dun cachiño teríamos que ir a biblioteca e entregar as entradas e prepararnos para escoitar a súa historia.

Ela e os seus amigos fixéronnos pasar un ratiño moi divertido, encantounos!!!

Estede moi atentos para próximas invitacións!!!