RECOMENDACIÓNS LECTORAS 3º TRIMESTRE

 

RETO TRIMESTRAL: MÚSICA E RECICLAXE

 Este trimestre o reto que nos propuxo Xeliña foi elaborar instrumentos musicais con materiais de refugallo.

E pouco a pouco a nosa escola foise enchendo de moita música...mirade que obras de arte.

E para que todas as familias puidesen ver todo o que fixeron, as nenas e nenos levaron unha invitación para a casa, para poder vir á escola a ver a exposición.

ARTE NA BIBLIOTECA: CONTINUAMOS CON HERVÉ TULLET

 Continuamos traballando con este autor que tanto nos gusta, e fixemos diferentes artistadas.

Un dos contos que nos inspirou foi o de "Cores".

Por outro lado Xeliña propúxonos facer un cadro dunha flor, mandounos debuxar unha flor, e deixounos tapóns de iogures e témperas de 3 cores, as súas favoritas, vermella, azul e amarelo.

Este foi o resultado.

SEMANA DAS LETRAS GALEGAS: LUÍSA VILLALTA

 Hoxe nos buzóns das aulas Xeliña deixounos unhas notas das actividades que vamos a facer ao longo desta semana.

Falamos da autora á que se lle adica este 17 de maio, de onde era, que facía,...

Vimos que tamén Xeliña nos deixou un cadro doutra artista galega, Lara Lars, e pediunos que pensaramos en cousas típicas da nosa terra e facer un mural collage con elas. 

Este foi o resultado.

Outra actividade que fixemos, foi en colaboración co IES Gregorio Fernández de Sarria, un grupiño de nenas e nenos da ESO e BAC, fixéronnos unha exposición sobre a vida de Luísa Villalta, moitas grazas por vir.

E para rematar esta semana das Letras Galegas fixemos unha pequena actuación de música tradicional galega. As nenas e nenos de 4 anos coa axuda da súa mestra, Marta, tocaron a muiñeira de Lugo, e un grupiño de nenas e nenos de 5 anos fixeron o baile.

Pinchando na imaxe podedes ver o vídeo.

CONTAMOS CONTIÑOS CON CHARRAIRE

Hoxe contamos cunha artista moi especial, Charraire, que veu contarnos unha historia de cómo atrapar monstros, pasámolo en grande. 

Gracias á editorial Edelvives por facer posible esta actividade.

Pinchando na imaxe podedes ver que ben o pasamos.

ARTE NA BIBLIOTECA: PRIMAVERA

 Coa chegada da primavera decidimos decorar a escola con murais cheos de flores, tomando como referencia o conto FLORES  e o xogo ¡A DIBUJAR! de Hervé Tullet.

Pasámolo xenial!!!