FAMILIAS QUE CONTAN

Hoxe tivemos unha visita moi especial, Pablo, o pai de Helvia e Xiana. Veu para explicarnos como viven as abellas e como se produce o mel.

Trouxo diferentes materiais que utiliza no seu traballo, como o traxe de protección, os luvas e o afumador. Contounos que as abellas son moi importantes para a natureza porque axudan a polinizar as flores e os cultivos.

Tamén nos ensinou un panal e puidemos observar como almacenan o mel. Aprendemos que nunha colmea viven miles de abellas e que cada unha ten unha función diferente.

Ao final da charla fixemos preguntas e deixounos mel e pole para probar, tamen nos trouxo un agasallo para cada un. Foi unha experiencia moi interesante e divertida, e aprendemos moitas cousas sobre o mundo das abellas.

Moitas grazas! Encantounos!

AVENTURA BOTÁNICA, EXPERTAS POLINIZADORAS

O longo deste trimestre, nas aulas de 3 anos estamos a aprender moito das grandes polinizadoras do mundo botánico, as abellas.  A través de contos, cancións, manualidades e xogos, descubrimos como estes incribles insectos axudan a polinizar as flores e a que crezan as froitas e verduras que comemos cada día. 
Tamén falamos de como podemos coidalas, como nacen, onde viven, como se organizan e unha chea de datos curiosos destes pequenos bechos, sobre todo cales son as súas flores e plantas favoritas. 

AVENTURA BOTÁNICA EN FLOR

Ó longo deste trimestre nas aulas de 4 anos estamos aprendendo moito sobre as flores. Con todo o aprendido estamos creando un pequeno inventario no que incluímos as nosas flores preferidas. Tamén as estamos interpretando mediante diferentes técnicas plásticas e, por suposto, non deixamos de contar, ler e escribir empregando as flores como centro de interese. Menuda colección botánica!

DÍA MUNDIAL DO MEDIOAMBIENTE, RUTA POLAS ACEAS

Como o día 5 de xuño se celebra o Día Mundial do Medioambiente, hoxe percorremos a fermosa ruta das Aceas, que descorre pola nosa vila. Como non podía ser doutro xeito, neste curso de "Aventura botánica" fixemos o camiño mentres falabamos sobre as árbores e plantas da nosa contorna.

Rematamos a andaina cunha merenda e xogos no parque do Chanto.

Un día para valorar e disfrutar do noso entorno, sempre de xeito respetuoso.

OBRADOIRO LUZ NEGRA

Por aquí vos deixamos o obradoiro de luz azul que fixemos na clase de cinco anos B. Con cores fluorescentes fixemos diferentes creacións florais. Encantounos!

EXPOSICIÓN ARTE EN FLOR

Hoxe puido visitarse na nosa biblioteca a derradeira exposición do curso con todas as creacións do reto do terceiro trimestre "Arte en flor". Moitas grazas nenos e nenas e familias polas vosas achegas, menudos artistas!

AÍ VÉN O MAIO, QUE MAIO É

Hoxe celebramos o Maio, unha festa popular galega que ten lugar ao comezo da primavera, cuxas orixes remóntanse ás civilizacións prerromanas.

Durante as festas realízanse representacións, bailes e cantos arredor dos maios, unhas estruturas tradicionalmente inspiradas en figuras de árbores pero que hoxe en día adoptan formas máis variadas, con adornos de flores, follas e froitos.

Así de bonito nos quedou o noso maio!

FAMILIAS QUE CONTAN, MARMELADA DE AMORODO

Hoxe na aula de 4 anos, Mila, a nai de Breixo, preparou un taller de marmelada de amorodo. Pasámolo en grande e que rica está. Moitas grazas!

EXPOSICIÓN SEMENTEIROS LEITEIROS

No segundo trimestre as familias participaron nun novo reto, convertir un cartón de leite nunha maceta, e despois na escola plantamos nelas fabas, e este foi o resultado. Moitas grazas por participar no reto e por vir visitar a exposición.

XELIÑA VAI Ó HORTO

Ao longo desta semana Xeliña deixounos unha misión, encher o seu invernadoiro de diferentes plantas. Puxemos tomates, leitugas, cebolas, pementos e amorodos. Agora toca coidalas e regalas e esperar que nos dean os seus froitos. 

PINCELADAS DE PRIMAVERA

 Pinceladas de primavera!!! Arte e xogos para dar a benvida a esta estación.

XELIÑA INFORMA

DÍA DA POESÍA

Un ano máis participamos co resto de centros educativos da contorna no Día da Poesía, este ano coa temática “os montes”. O noso alumnado de sexto de EI recitou Cando a luniña aparece de Rosalía de Castro e pediu que nunca máis ardan os nosos montes. Grazas IES Gregorio Fernández por contar con nós.

PANAGBENGA NA NOSA ESCOLA

Jess, o noso auxiliar de conversa, xunto coa teacher Pili, explicaron en qué consiste a Panagbenga, que é un festival que se celebra en Baguio, Filipinas, durante o mes de febreiro, en especial nesta última semana. O motivo é o inicio da “tempada de floración”. E en cada aula fixeron as súas propias flores.

O HERBARIO DE ROSALÍA

Este curso para conmemorar o día de Rosalía relacionámolo co noso PDI: aventura botánica, e durante varios días escollemos a flor ou planta que máis nos gustou do libro “O herbario de Rosalía” e recopilámolas, e con todas elas fixemos o noso pequeno herbario, escribindo tamén os anacos de poemas onde Rosalía falaba de cada unha delas.

Premede na seguinte imaxe para ter acceso á nosa versión do Herbario de Rosalía.

OBRADOIROS DE ENTROIDO

Ó longo desta semana de Entroido a nosa biblioteca converteuse no centro neurálxico de diferentes obradoiros polos que fomos pasando cada un dos grupos. O primeiro deunos a coñecer, como se pode ver nas imaxes, diferentes personaxes do Entroido tradicional galego.

Tamén houbo un posto de maquillaxe e tatuaxes que nos permitiu converternos nas personaxes que máis nos gustan: Xeliña, arcos da vella, unicornios...

Así mesmo, decoramos as nosas antifaces para levar para a casa un recordo desta semana tan divertida e festeira.

Paralelamente, nas aulas puidemos xogar cunha chea de disfraces e complementos de moitas cores. Por suposto, non faltou a música.

E para rematar, convertemos a biblioteca nun obradoiro de roscas para fornear que puidemos degustar xunto con outros manxares na festa do venres. Pásamolo moi ben! Que viva o noso Entroido!

MANDADOS DE XELIÑA

Ó longo da semana do Entroido Xeliña, coa axuda de diferentes hortalizas e herbas, foinos pedindo que trouxéramos complementos moi divertidos. Para rematar, o venres tivemos unha festa na que puidemos lucir os nosos disfraces favoritos. Pasámolo moi ben!

PAZ É PRANTAR UNHA ÁRBORE

Hoxe conmemoramos o Día Escolar da Paz. Xeliña deixounos no correo o conto O meu olivo que conta a historia de Salam, unha nena de Gaza que obtén a súa fortaleza da comunidade, do amor e dos olivos, que son un símbolo da paz. Isto inspirounos para crear un mural colaborativo.

XELIÑA INFORMA

 

CIENCIA E ARTE SOSTIBLES, POSTAIS DE PAPEL RECICLADO

Como todos os cursos, un dos obradoiros do mes da ciencia na biblioteca foi o de papel reciclado para facer as nosas postais de Nadal. Aquí podedes ver un vídeo do proceso: picamos papel, deixámolo en auga, batemos, e facemos o papel de novo, deixamos secar e listo! Tamén podedes ver o resultado final. Agardamos que vos guste!