OBRADOIRO LUZ NEGRA

Por aquí vos deixamos o obradoiro de luz azul que fixemos na clase de cinco anos B. Con cores fluorescentes fixemos diferentes creacións florais. Encantounos!

A PEQUENA GRAN INVENTORA, DÍA DA MULLER E A NENA NA CIENCIA

 

Polo Día da muller e a nena na ciencia, Xeliña deixounos unha invitación no correo para ir á Casa da Cultura a ver unha obra de teatro A Pequena Gran Inventora de Trémola Teatro, na que Laura crea por casualidade unha piña que fala, unha representación das IA, coincidindo coa temática da edición deste ano. Pasámolo moi ben, Moitas grazas!

CONTAMOS CONTIÑOS DE INVERNO

Sabemos que a neve é moi divertida pero, de onde sae e a onde vai cando marcha? Estas semanas estivemos contando contos que nos axudaron a resolver este misterio, O ladrón de neve e Un copo de nieve en el bolsillo. Despois fixemos as nosas propias folerpas con bólas de plastilina e experimentamos diferentes xeitos de crear neve artificial. O noso favorito é a mestura de bocarbonato e auga. Mirade que ben o pasamos!

CIENCIA E ARTE SOSTIBLES, POSTAIS DE PAPEL RECICLADO

Como todos os cursos, un dos obradoiros do mes da ciencia na biblioteca foi o de papel reciclado para facer as nosas postais de Nadal. Aquí podedes ver un vídeo do proceso: picamos papel, deixámolo en auga, batemos, e facemos o papel de novo, deixamos secar e listo! Tamén podedes ver o resultado final. Agardamos que vos guste!

PINTURAS NATURAIS, MES DA CIENCIA EN GALEGO NAS BIBLIOTECAS

 Novembro é o mes da ciencia en galego nas bibliotecas, así que Xeliña converteu a da nosa escola nun laboratorio. Alí ampliamos os nosos coñecementos de botánica creando un abano de pinturas naturais con hortalizas (remolacha, col lombarda e cúrcuma). Foi xenial!

PINTAMOS CON CLOROFILA

A nosa investigación sobre Jane Godall que comezou no mes de febreiro non só espertou o noso interese polos primates senón tamén polo seu hábitat, a selva. E que é o que lle dá ás follas esa cor tan verde? Pois a clorofila! 

Puidemos descubrilo grazas a un experimento no que introducimos dúas follas en recipientes de cristal: un con auga e outro con alcohol. A segunda folla acabou perdendo a súa cor verde xa que o alcohol absorbeu toda a clorofila. Ó final conseguimos un líquido moi interesante para pintar!

JANE GOODALL, UNHA MULLER CIENTÍFICA

O 11 de febreiro foi o Día Internacional da muller e a nena na ciencia, un día para reivindicar o papel de moitas científicas que non reciben os recoñecementos que merecen polo seu traballo. Durante toda a semana fomos descubrindo a historia de Jane Goodall que viviu durante moitos anos entre chimpances e fixo estudos moi importantes sobre estes primates ó tempo que os protexía dos cazadores furtivos. Hoxe, como colofón final, recibimos na biblioteca unha visita moi divertida. Foi xenial!

O FOGAR DOS PINGÜÍNS

Os nenos e nenas de tres anos estivemos experimentando coas propiedades do xeo e aprendendo acerca de dous dos estados da auga, líquido e sólido. Tamén aprendemos que o xeo conforma o hábitat de animais como os pingüíns e os osos polares, uns ecosistemas moi importantes que precisan a nosa protección para non derreterse. 

 

MÁIS CIENCIA E NEVE

Este mes de xaneiro nas aulas de 4 anos estamos investigando diferentes opcións para crear neve artificial. Comezamos por mesturar a capa absorbente dos cueiros con auga e rematamos por empregar un po especial para crear neve a base de poliacrilato de sodio. Esta última mestura foi coa que enchemos a nosa mesa sensorial na que estamos a recrear o hábitat dos pingüíns, uns animais que nos teñen fascinados ultimamente. Xa vos contaremos máis. Estade moi pendientes! 

CONTAMOS CONTIÑOS, UN COPO DE NIEVE EN EL BOLSILLO

Na clase de cinco anos contamos o álbum ilustrado Un copo de nieve en el bolsillo e despois fixemos neve artificial para a mesa sensorial empregando bicarbonato e auga. Gustounos moito!

CONTAMOS CONTIÑOS, ¿QUÉ BIGOTES ME PASA?

Nas aulas de 4 anos achegámonos ó mundo das nosas emocións mediante o conto ¿Que bigotes me pasa? de Olga de Dios e María Leach. Tras escoitar a súa lectura, xogamos a intentar adiviñar que é o que lle pasa a bigotes empregando a cor que se corresponde coa súa emoción. Pero para resaltar todo o potencial desas cores fosforescentes empregamos lámpadas de luz negra. Encantounos e estamos desexando repetir!

DÍA INTERNACIONAL DA MULLER E DA NENA NA CIENCIA

 Para conmemorar este día a nosa mascota Xeliña deixounos nos buzóns unha carta invitándonos á biblioteca a escoitar a unha gran amiga súa, Ángeles Alvariño, unha gran oceanógrafa, e outros documentos e materiais para facer un experimento.

Ángeles Alvariño explicounos un pouco cal era o seu traballo, e as dificultades que tuvo por ser muller. Falounos de que lle encantan os animais, sobre todo os do océano, e tamén, que outra cousa que lle gustaba moito era ler contos, porque súa mamá de pequena líalle moitos, o seu preferido é "Riciños de ouro e os tres osiños".

E como a nós tamén nos gustan moito decidiu contárnolo e despóis propoñernos un experimento con osiños de gominola, para convertilos en pequeno, mediano e grande coma no conto.

Despóis regresamos ás aulas e collemos os materiais que xa nos deixara Xeliña para facer o experimento: auga, vasos, sal e osiños de gominola. Metemos cada osiño nun vaso como nos dixo Ángeles Alvariño e falamos de que lles pasaría en cada vaso, apuntando as ideas que se nos ocurrían.

Ahora tocaba esperar ao día seguinte e mirar que sucedía.

E ao día seguinte.....os osiños cambiaron de tamaño!!! e para recordar o experimento plasmámola nunha fichiña que nos deixara Xeliña.

Coloreamos un osiño pequeno, un mediano e un grande e pegámolos no vaso correspondente. E falamos de porque pasou eso.