CONTOS PARA A INCLUSIÓN

Ó longo do mes de maio na clase de 6º de infantil B estivemos creando unha composición co noso nome empregando diferentes sistemas de escritura. Tras a lectura de El libro negro de los colores empregamos o punzón para escribir o noso nome en braille e tamén o creamos dándolles textura ás letras con papeliños de cores. 

Ademais, practicamos o deletreo do noso nome empregando o alfabeto dactilolóxico e pegamos na composición un código QR que nos mostra o vídeo co noso signo unha vez o escaneamos. Encantounos vernos no teléfono móbil!

Se queredes acceder ó resultado desta actividade premede na portada do recopilatorio dixital. 

Encántanos aprender e coñecer diferentes maneiras de sentir a lingua escrita e, por suposto encántanos a Lingua de Signos. Así somos nós!

FAMILIAS QUE CONTAN: A ovelliña que veu a cear

A prima de Noel, foi contar á súa clase o conto de "A ovelliña que veu a cear". DEspóis de contalo fixemos a nosa propia ovelliña.

Moitas grazas por pasar este ratiño con nós.

Se pinchades na imaxe podedes ver máis fotos.

FAMILIAS QUE CONTAN: EXPLOTACIÓN GANDEIRA

A mamá de Irene veu falarnos do seu traballo, adícase a gandeiría, falounos das súas vacas e ensinounos fotos. Tamén nos contou o conto de " El tiempo de las cerezas", que trata dun país que perdeu as súas cores, pero Nina  non se deu por vencida e despois de atopar unha caixa de lápices cambiou a súa vida e a do seu pobo. 

E para rematar déronlle a cada nena e neno unha vaquiña de cores feita por Irene e a súa familia.

Se pinchades na imaxe podedes ver máis fotografías.

Moitas gracias pola visita! 

RECOMENDACIÓNS LECTORAS 3º TRIMESTRE

 

TRABALLAMOS CO ESCORNABOT

Ao longo destes meses, aprendemos a traballar co escornabot. 

O primeiro que fixemos foi presentárllelo aos nenos/as e explicarlles o seu funcionamento. 

En cada aula fixemos diferentes actividades. Coas nenas e nenos de 3 aniños, o xogo foi máis libre, comezamos a mover o escornabot pola aula libremente e tamén fixemos circuitos con pezas de construcción.

Na aula de 4 anos, aproveitando que estaban traballando o conto da "Eiruga comellona", fixemos un taboleiro sobre él. 

Convertimos a escornabot nunha eiruga e tiña que ir pasando por todas as froitas que comeu no conto, en orde, seguindo outras consignas, por cores,...E decir, empregámolo de diferentes maneiras.

E cos maiores do cole, cos de 5 anos, estivemos traballando o conto "Sopa verde", contámolo, e falamos sobre alimentos saudables e non saudables, escribimos na pizarra unha lista.

Nas seguintes sesións, cada un escolleu un alimento e debuxouno, con eses debuxos fixemos tarxetas para o noso panel do escornabot.

E despóis só nos faltaba decidir como empregalos no taboleiro. e pouco a pouco fomos facendo a nosa guía do xogo.

Ademáis do material para o taboleiro, tamén fixemos unhas ruletas para traballar a lectoescritura e a discriminación entre alimentos saudables e non saudables.

Pinchando na imaxe podedes descargar o material elaborado.

E con todo esto puxémonos a xogar.

RETO TRIMESTRAL: MÚSICA E RECICLAXE

 Este trimestre o reto que nos propuxo Xeliña foi elaborar instrumentos musicais con materiais de refugallo.

E pouco a pouco a nosa escola foise enchendo de moita música...mirade que obras de arte.

E para que todas as familias puidesen ver todo o que fixeron, as nenas e nenos levaron unha invitación para a casa, para poder vir á escola a ver a exposición.

CONTAMOS CONTIÑOS: SABELA GAGO

 Hoxe Xeliña deixounos correspondencia, unha invitación para unha visita moi especial. Volvía Sabela Gago a contarnos outra das súas historias, pasámolo en grande, moitas grazas.

CONVIVENCIA CO CEIP FREI LUIS DE GRANADA

 Hoxe fomos de visita a un cole moi especial, "ao cole de maiores", o noso novo cole para o curso que ven.

Ao chegar recibíronnos Begoña e Pamela, e xunto con Noemí, a mestra de Educación Física, ensináronnos distintos espazos do colexio, as nosas futuras aulas, a aula de música e o ximnasio, no cal puidemos xogar un pouco. Encantounos!!!

Despóis xuntámos na biblioteca coa aula de 5 anos, os cales serán as nosas futuras e futuros compañeiras/os. E alí coas mestras de Infantil, escoitamos unha bonita historia, "Espiando aos maiores", foi moi divertido.

A continuación fomos a merendar todos xuntos e despóis a xogar no patio, pero antes do xogo tocou bailar e cantar a canción de amiguiños todos.

Pasámolo moi ben.

Moitas grazas ao profesorado do CEIP Frei Luis de Granada por acollernos tan ben.