OS XOGOS DA CASTAÑA

Días de outono e sesións de psicomotricidade de xogos tradicionais coa teacher Pili. Pasámolo en grande!

O OUTONO DÁ OS SEUS FROITOS

Como xa sabedes o outono é a estación preferida de Xeliña, por iso nos deixou nas aulas un platiño con froitos do outono, puidemos tocalos, aprender o seu nome, clasificalos, cheiralos e incluso probalos! Moitas grazas Xeliña.

XELIÑA RECOMENDA: LECTURAS DE OUTONO

 

O OUTONO XA CHEGOU

Esta semana démoslle a benvida ó outono na escola. Esta estación tan colorida sérvenos de pretexto para avanzar na nosa aprendizaxe botánica xa que nela as follas dalgunhas árbores cambian de cor e caen. Tamén continuamos ampliando o noso vocabulario coñecendo unha morea de obxectos relacionados co outono e progresamos nas nosas habilidades lóxicas e de conteo. Mirade, mirade!

FAMILIAS QUE CONTAN, EN ANIMALANDIA

Este mes recibimos a tres nais de nenas das clases de 5º de educación infantil que nos achegaron con diferentes actividades ó mundo do animais. 

Na clase de 5º A comezamos por unha afastada viaxe ó corazón de África co conto O elefante que perdeu o seu ollo, para rematar escoitando o conto dun animal máis cercano, o gato Misifú, mascota dunha das alumnas. 

Por outra banda, na clase de 5º B fixemos uns ourizos con material de refugallo e empregando un elemento moi típico desta época do ano, follas secas. Mirade canto se parecen ó noso amigo Púas!

QUE VIVA O MAGOSTO!

Hoxe celebramos o Magosto. Preparamos o lume e asamos as castañas. E despois de comelas, desfrutamos de xogos no patio, onde grandes e pequenos xogaron xuntos nas diferentes propostas.

Para o ano, mais e mellor!

XORNADAS MICOLÓXICAS

Hoxe visitamos a exposición organizada pola Asociación Micolóxica de Sarria na Casa da Cultura. Había cogomelos de formas, cores e tamaños moi diferentes. Mesmo eran moi distintos nas súas propiedades. Tamén aprendimos algúns consellos que hai que ter en conta á hora de apañalos. Aprendemos moito e pasámolo moi ben!

DÍA DAS BIBLIOTECAS 24 DE OUTUBRO

Despois do marabilloso contacontos de Xeliña e os seus amigos, recollimos follas e fixemos uns marcapáxinas outonais. Agardamos que vos gusten!

A FESTA DO OUTONO

Para celebrar a chegada do outono e aproveitando a proximidade do Día das Bibliotecas, Xeliña deixounos unha carta no buzón para convidarnos á biblioteca a escoitar unha historia de amizade e cooperación que aconteceu mentres ela e os seus amigos preparaban o souto para o outono. Como non podía ser doutro xeito, o conto rematou cun banquete compartido e tivemos a oportunidade de saborear os froitos desta tempada, que delicia!