XELIÑA RECOMENDA

 

CALENDARIO SOLIDARIO ESTIÑO

Xa podedes comprar o calendario solidario Estiño, creado con debuxos característicos do Entroido galego feitos polos nenos e nenas da nosa Escola e doutros centros educativos.Todo o recadado é para a ONG AXUNICA que coopera no desenvolvemento económico e social de Nicaragua. Moitas grazas pola vosa colaboración!

 

PREPARAMOS O NADAL

Moito xogo, moita arte e moito cante e baile polo Nadal. Aquí vos deixamos algunha mostra do que andamos a argallar na escola estes días. Pronto veredes o resultado de todo!

CORREO DE NADAL

Hoxe saímos da nosa escola para facer algo moi especial, levar á caixa de correo unha carta para felicitar o Nadal á nosa familia. Polo camiño atopámonos con algunha personaxe que nos encanta. Fíxonos moita ilusión! Aínda que faga frío é moi agradable e pasear polas nosas rúas nestas datas e ver todo adornado. Agardamos que a vós tamén vos guste vernos por aí! 

CIENCIA E ARTE SOSTIBLES, POSTAIS DE PAPEL RECICLADO

Como todos os cursos, un dos obradoiros do mes da ciencia na biblioteca foi o de papel reciclado para facer as nosas postais de Nadal. Aquí podedes ver un vídeo do proceso: picamos papel, deixámolo en auga, batemos, e facemos o papel de novo, deixamos secar e listo! Tamén podedes ver o resultado final. Agardamos que vos guste!