PAZ É PRANTAR UNHA ÁRBORE

Hoxe conmemoramos o Día Escolar da Paz. Xeliña deixounos no correo o conto O meu olivo que conta a historia de Salam, unha nena de Gaza que obtén a súa fortaleza da comunidade, do amor e dos olivos, que son un símbolo da paz. Isto inspirounos para crear un mural colaborativo.

UNHA NOVA RUTINA, PRÉSTAMO OS XOVES

Hoxe as nenas e nenos de 4º recibiron unha carta de Xeliña, e os carnés da biblioteca. Xa puideron comezar co préstamo de contos!

O INVERNO É ARTE

Ó longo deste frío mes estivemos experimentando diferentes formas de representar o inverno nas nosas creacións artísticas e murais. Como podedes ver, hai moita variedade pero sempre coincidimos nas cores empregadas, as da gama fría. Podedes ver o proceso e os resultados nas imaxes. Agardamos que vos gusten!

SESIÓNS DE PSICOMOTRICIDADE E IOGA

 

XELIÑA RECOMENDA: LECTURAS DE INVERNO

 

Recomendacións de Xeliña para estos días tan fríos de inverno.

CONTAMOS CONTIÑOS DE INVERNO

Sabemos que a neve é moi divertida pero, de onde sae e a onde vai cando marcha? Estas semanas estivemos contando contos que nos axudaron a resolver este misterio, O ladrón de neve e Un copo de nieve en el bolsillo. Despois fixemos as nosas propias folerpas con bólas de plastilina e experimentamos diferentes xeitos de crear neve artificial. O noso favorito é a mestura de bocarbonato e auga. Mirade que ben o pasamos!

XELIÑA INFORMA

 

FAMILIAS QUE CONTAN

Hoxe visitounos a nai de Martín, veu a falarnos do seu traballo, é enfermeira.

Ensinounos como se ten que vestir para entrar no quirófano, utensilios que empregan, como nos colocan unha vía, etc. e o que máis nos gustou foi unha ambulancia coa que nos levarían en caso de ter que operarnos.

Tamén nos ensinou como temos que facer en caso de ver a alguén que non se move, que lle pasa algo;  pedir axuda e chamar o 112. E para rematar ensinounos como facer unha RCP. Pasámolo moi ben e aprendemos moito. Moitas grazas!

CHEGOU O INVERNO Á ESCOLA

Desde que voltamos ás aulas o inverno converteuse no centro de interese para traballar o conteo e outras habilidades matemáticas, a atención, a orientación espacial e a lectoescritura. Aquí quedan imaxes dalgunhas das actividades e retos que argallamos!