PINTAMOS CON CLOROFILA

A nosa investigación sobre Jane Godall que comezou no mes de febreiro non só espertou o noso interese polos primates senón tamén polo seu hábitat, a selva. E que é o que lle dá ás follas esa cor tan verde? Pois a clorofila! 

Puidemos descubrilo grazas a un experimento no que introducimos dúas follas en recipientes de cristal: un con auga e outro con alcohol. A segunda folla acabou perdendo a súa cor verde xa que o alcohol absorbeu toda a clorofila. Ó final conseguimos un líquido moi interesante para pintar!

SPRING

After a long winter...SPRING is here!! And this is the reason why we have made these beautiful clay butterflies.

DÍA DA POESÍA

Hoxe, na Praza da Vila, festexamos o Día da Poesía, coa temática da auga. Na nosa escola escollemos un poema de Xosé Neira Vilas, “O río”.

Moitas grazas, IES Gregorio Fernández, por contar con nós un ano máis,

XELIÑA VAI Ó HORTO

Esta primeira semana de primavera foi moi especial na nosa escola. Xeliña convidounos a visitar o seu invernadoiro e a enchelo con diferentes plantas. Puxemos tomates, leitugas, pementos, cebolas e amorodos. Agora tócanos regar e agardar un pouco para recoller a colleita deste ano!

CONTACONTOS ENTRE RÍAS

Onte tivemos unha visita moi especial, a ilustradora Celia Veiga veu contarnos o seu conto Entre rías e fixemos un obradoiro onde elaboramos os nosos paxariños! Mirade que bonitos!

CONTAMOS CONTIÑOS: QUEDA SITIO PARA MIN?

Por aquí vos deixamos o conto ¿Queda sitio para min? narrado polos nenos e nenas de 6º B. Agardamos que vos guste!

XELIÑA INFORMA

 

FAMILIAS QUE CONTAN: OS TRES PORQUIÑOS

Hoxe estivo na clase de 4 anos B, Eva a nai de Lía que veu para contarnos un conto clásico, Os tres porquiños, pero cun final moi especial e acompañado de cancións con xestos que nos gustou moito aprender. Despois fixemos unhas actividades de colorear e un labirinto moi divertido. Moitas grazas por visitarnos!

 

CONTAMOS CONTIÑOS: LA BUFANDA ROJA

Hoxe os nenos e nenas de 4º de infantil acudimos á biblioteca para despedir o inverno coa lectura e actividades sobre La bufanda roja.

ST. PATRICK'S DAY

Saint Patrick's Day is an important date for Irish Culture that takes place every 17th of March. To celebrate it, our students wore green clothes, created a Shamrock with their hands and painted a Leprechaun.

CONTAMOS CONTIÑOS: PEQUENO AZUL E PEQUENO AMARELO

Nas clases de 4º contamos o conto Pequeno azul pequeno amarelo de Leo Lionni, un clásico que nos encanta, e xogamos a mesturar esas dúas cores empregando diferentes materiais. Pasámolo moi ben!

XORNADA MATEMÁTICA NO IES XOGRAR AFONSO GÓMEZ

Hoxe, o alumnado de 6º de infantil, acudiu ao IES Xograr Afonso Gómez como parte da conmemoración da semana das matemáticas. Alí realizamos unha serie de obradoiros organizados polo alumnado de 2º de bacharelato e a súa profesora de matemáticas.

Fixemos xogos de parellas matemáticas, escoitamos a historia do número infinito, aprendimos a diferenciar entre "maior que" e "menor que". Logo da merenda realizamos diferentes de actividades por equipos onde tiñamos que ir selando o noso pasaporte matemático cada vez que completabamos un.

Unha xornada divertida chea de aprendizaxes. Moitísimas grazas por convidarnos, estamos desexando volver!

COÑECEMOS OS PINGÜÍNS CON TILO

Durante todo o inverno na clase de 4 anos B estivemos investigando e aprendendo acerca dos pingüíns. Tilo, unha nova mascota procedente do Polo Sur, acompañounos nesta viaxe. Con el contamos, limos, escribimos, pensamos, pintamos, etc. Agora xa sabemos o que comen os pingüíns, as súas habilidades como grandes nadadores e como nacen, medran e se reproducen. Tilo súmase a Xeliña na nosa lista de mascotas favoritas!

ANIMAIS POLARES

Na clase de 4 anos A, investigamos sobre os animais que habitan os casquetes polares: pingüíns, osos, raposos árticos, etc. Despois de coñecer, no primeiro trimestre, a Xeliña e os seus amigos e o seu hábitat, o bosque autóctono, estes novos animais achegáronnos a un ecosistema moi afastado da nosa contorna que tamén nos resultou moi interesante e emocionante. Agardamos que vos gusten os nosos traballos e creacións!

8M DANIELA PIRATA E OUTRAS LECTURAS

O 8 de Marzo celebramos o Día da Muller, e na escola quixemos celebralo como máis nos gusta, cun conto. Con Daniela Pirata descubrimos que todas temos dereito a loitar polo que queremos ser. 

Por aquí deixamos tamén algunhas lecturas recomendadas con motivo desta conmemoración.

PLANTAS AROMÁTICAS E SOSTIBILIDADE

Hoxe os maiores do cole desfrutaron dun taller incluído dentro do Programa de educación ambiental patrimonio natural da Consellería de Medio Ambiente e cambio climático levado a cabo por Brais.

Falounos da importancia que desempeñan os animais na natureza e de como lles afecta a contaminación, dañando os seus hábitats, o seu alimento e a auga. Por iso, para protexer a natureza é esencial reducir a contaminación e ter prácticas sostibles.

A continuación, ensinounos varias plantas aromáticas, cas cales fixemos unhas bolsiñas de olor.

Moitas gracias Brais, encantounos!