A FILLA DO APALPADOR

Hoxe tivemos a visita da Filla do Apalpador, unha actividade financiada pola Deputación de Lugo. Grazas á música e o baile coñecemos e desfrutamos da nosa cultura mediante a representación da filla dunha personaxe moi representativa do noso Nadal. Ademais, como non podía ser doutro xeito, a Apalpadora tamén nos achegou ó coidado da nosa contorna natural e a biodiversidade presente na nosa zona, dende as Montañas da provincia ata a cunca e ribeira do Miño. Unha vez máis destacamos a importancia de coidar e protexer os animais!