COMEZAMOS O PRÉSTAMO

Co comezo do mes de outubro demos comezo ó préstamo de exemplares nas aulas de 5º e 6º de educación infantil. A Xeliña gústalle moito deixarnos os seus libros para levar para a casa e a nós encántanos ir completando o carné cada vez que os traemos de volta. O bibliotecario ou bibliotecaria de cada semana é o encargado de rexistrar no caderno que nos deixou Xeliña nos buzóns os libros que levan os compañeiros e compañeiras. Esta é unha das nosas tarefas favoritas!

XELIÑA INFORMA

 

ANIMALANDIA, PROTEXE OS ANIMAIS

Co novo curso comezamos un novo proxecto a través do cal exploraremos o mundo dos animais e investigaremos sobre os coidados e a protección que precisan. Os amigos da raposa Xeliña estarán máis presentes ca nunca e trasladarannos ó seu souto para comezar esta tempada de outono. Mirade que benvida nos deron o primeiro día de curso!