O 21 de marzo celebrouse o día da poesía, e na nosa escola ademais de recitar e ilustrar unha morea de poemas, participamos, xunto a outros centros da comarca, nun acto de homenaxe para reivindicar a figura de Fiz Vergara Vilariño, un destacable poeta desta terra.
Coincidindo co comezo da primavera, conmemoramos na escola a semana da Árbore e a Auga e o alumnado de 4º de educación infantil levou para a casa os pequenos carballos que naceron das landras que plantamos na terra este outono. Que mellor ocasión para contar o conto do Carballo con botas de Anxo Moure. Mirade canto desfrutamos!
Co fin de conmemorar a loita pola igualdade de xénero cada 8 de marzo celebramos o Día Internacional da Muller e dende a nosa escola traballámola desta maneira.
Xeliña deixounos no buzón un xogo de puzzles para coñecer a diferentes mulleres pioneiras galegas, sacadas do libro PIONEIRAS, montamos os puzzles e traballamos un pouquiño no que consistía cada profesión, tamén falamos da importancia de que todas e todos podemos facer o que queiramos. E para rematar montamos un mural con todas elas.
A parte disto, na biblioteca, Xeliña tamén nos deixou un montón de contos para seguir aprendendo cousiñas sobre o tema, escollemos algúns e fixemos varias sesións de contacontos.
E xa por último para levar un pouquiño do feito para a casa elaboramos un tríptico con estas mulleres pioneiras e tamén falamos do que nos gustaría ser e fixemos un debuxo.
%20-%203%20(2).png)